Bandi asasine endistriyèl Borgat Gerson bò 2 zè aprèmidi 2 Avril 2025 nan. Sa pase nan ri Gosen nan antre ri desi Okay, Sid, Ayiti.
Bandi yo bay li plizyè katouch nan machin li. Moun nan katye sa, ta fè konnen: Se 2 endividi ki te sou motosiklèt ki fè zak sila. Aprè zak la bandi yo mete van nan vwèl yo. Nan dènye moman yo se lapolis ak jij depè ki sou plas pou konsta ak pou tout swit nesesè.
Viktim nan, Gerson Borgat se mèt izin vetivè ki nan lokalite Fonfrèd ak li se mèt konpayi Echenn Traktò.
