Obsevatwa Pou Egalite (O P E), Konbit Aksyon Popile Sid (KPAS) Tet Kole Ti Peyizan Ayisyen Sid (TK) depoze Jeb Fle nan Machate Okay bo 1 nè nan apremidi Jedi 31Oktob 2024 la. Sa fèt nan okazyon dey nasyonal, kote, plizyè òganizasyon nan peyi Ayiti pran jou 31 Oktob sa pou make Masak Pon Sonde nan Latibonit ki te fèt 3 Oktob 2024 la. Kote, Gang Gran Grif avek konplisite gwo chabrak nan leta, nan boujwazi ak klas politik Ayisyen ak peyi enpeyalis touye anba bal pou pi piti115 malere, ez, detwi 45 kay ak 34 machin san konte plizye santen blese. Anplis, gen plis pase 2000 deplase.
Nan sikonstans sa, gwoup oganizasyon nan Sid ki, pran inisyativ sa denonse Otorite yo ki deye krim sa. Kote, yo antre tet bese nan demach pou aplike plan enpeyalis yo. ki donk, itilize gang pou mete malere, malerez deyo nan zon min yo toupatou nan peyi a, pou fasilite esplwatasyon min nan zon okipe yo nan benefis enpeyalis yo ak souflantyou Ayisyen yo , k ap tann kek res laswibab pi devan. Asanm oganizasyon sa yo fe konnen: batay sa, dwe vize pi lwen, nan sans pou li pa rete yon senp aksyon depoze Jeb Fle. Konsa, li dwe egzije leta Ayisyen pou li pouswiv tout moun depre ou de lwen ki enplike nan Masak Pon Sonde a. An menm tan fose Leta a, pou li jije, kondane selon lalwa tout koupab yo, ak repare tout viktim ak paran viktim yo. Li enpotan tou, pou evenman sa pran wout mouvman k ap reziste, k ap kontrekare pwoje fann vwa sa, enpeyalis yo ak gwoup malfra ki nan peyi a ap foure nan gojet nou an ak ti bwa.
Viv lit popile Ayisyen an, viv revolizyon, viv jistis sosyal, viv libete. viv byenet, viv lape. Aba reyaksyone, aba konze, aba enpeyalis, aba gang, aba ensekirite, aba Masak.
